Талғар агробизнес және менеджмент колледжінде "Тілдер мен қоғамдық пәндер" кафедрасының  "Тіл мен тарих егіз" атты декадасының аясында оқытушылар Нурмуханбетова Т. Ә. мен М.М Ахметованың ұйымдастыруымен  Мұқағали Мақатаевтың  93 жылдығына арналған "Бақытым жүрсе болды іздеп мені" атты әдеби сазды кеш өткізді. Өнерпаз білім алушылар, кеш қонақтары ақиық ақынның жырларын мәнерлеп оқып, өлеңдеріне жазылған әндерді шырқап салып, ақынның өмірінен шағын көріністерді сахналап, көрермендердің көңілінен шықты. Кеш соңында колледж директоры Динара Боларбекқызы Бозымбекова кештің  ұйымдастырушылары мен қатысқан өнерпаз білім алушыларға алғысын жаудырып, кеш қонақтарын  Мақтау қағазымен марапаттады.

https://youtu.be/v2y_FFs-H0U

Талғар агробизнес және менеджмент колледжінің студенттер Парламентінің мүшелері "Оқуға құштар колледж" жобасы бойынша  Халықаралық  кітап сыйлау аясында "Мұқтаждарға кітап сыйла" акциясын өткізді.  Талғар қаласындағы "Нұр" балалар үйінің бүлдіршіндеріне кітаптар тарту етті.

2024 жылдың 28 ақпанында №36 мектепте "Ақиқат" дебат клубының ұйымдастыруымен дебат клубтары арасында жолдасдық кездесу өтті. Талғар агробизнес және менеджмент колледжінің атынан "Эристика" дебат клубы қатысып, дебат клубының мүшесі Тілапалды Айсұлу "Үздік спикер" номинациясын жеңіп алды. Сонымен қатар, сайысқа қатысқан барлық дебат клубтары алғыс хатпен марапатталды.

Талғар агробизнес және менеджмент колледжінің орыс тілі пәнінің оқытушылары Узбекова А. К. мен Капсихова А.М. "Тіл мен тарих -егіз ұғым" декадасының  аясында 2 ПрогВ, 1Бух В тобының білім алушыларымен  "Мен тірілермен-тірімін" тақырыбында Оралхан Бөкейдің шығармашылығы бойынша "Бір ел-бір кітап " акциясын өткізді. Білім алушылар Оралхан Бөкейдің шығармашылығымен танысып шыққан соң, екі топқа тапсырмалар беріліп, әр топ постер әдісі  арқылы қорғап, жазушы шығармашылығы бойынша ойларын ортаға салды.