Талғар агробизнес және менеджмент колледжінің  1-2 курс білім алушыларына  «Құқықтық сауаттылық – қауіпсіз өмір кепілі» тақырыбында құқық бұзушылықтың алдын алу бойынша түсіндірме жұмыстары жүргізілді.  Талғар аудандық полиция басқармасының Жергілікті полиция қызметі бөлімі Ювеналды полиция тобының учаскелік инспекторлары:  

 полиция аға лейтенанты Шарахунов Шадияр Шағзамұлы мен  полиция аға лейтенанты Токишев Алмат Мақсатұлы  буллинг, кибербуллинг, темекі шегудің зияны, кәмелетке толмағандардың жауапкершілігі және түнгі уақытта жүріп-тұру ережелері туралы түсіндірме жұмыстары туралы  айтылды. Білім алушылар сұрақтарын қойып, мазмұнды жауаптар алды.  

Іс-шара жастардың құқықтық сауатын арттырып, заңға деген жауапкершілік көзқарасын қалыптастыруға бағытталды.