«Болашақ» қыздар клубының ұйымдастыруымен «Тазалық-денсаулық кепілі» қыздар арасында әңгіме- сұхбат жүргізу және білім алушы қыздардың колледж қабырғасында өзін-өзі дұрыс ұстау әдебін түсіндіру мақсатында жиналыс өткізілді.

Ұстаз ісі сырттай қарапайым көрінгенімен- тарихтағы ең ұлы істің бірі. Олар берген тәрбие әрбір жанның өміріне жол сілтер шамшырақ секілді. Білім алушылардың ең сенімді, сыр жасырмай ашық айтатын адамы- тәрбие мен білім нәрін сусындатқанда талмай жан- тәнімен берілетін ұстазы... Осы орайда бүгін төл мерекеге арналып, білім ордамызда "Ұстаз- ұлағатты есім" атты мерекелік кеш ұйымдастырылды. Колледж директоры барша оқытушы қауымын "Алғыс хаттармен" марапаттаса, ал білім алушылар кешті ән- бимен көркемдеді. Ұстаздарды құрметтеген білім алушыларға оқытушылар шексіз алғыстарын жаудырды. Бар білімін, тәжірибесін білім алушылармен бөлісіп жүрген аталмыш колледж оқытушыларын төл мерекесімен тағыда құттықтап, шығармашылық табыс тілейміз!

"Қарттарын қадірлеген ел ардақты" атты Халықаралық қарттар күніне орай салтанатты шараға, өскелең ұрпаққа өнегелі істерімен, білім нәрімен сусындатқан, тәрбиелерімен үлгі болған қарт ұстаздарымыз 100 жылдық тарихы бар колледжімізге шақыртылып, сый - құрметке бөленді."Ақылды қария - ағып жатқан дария" деп тегін айтпаған. Асыл қарттарымыз- бәйтерек болса, біз содан тараған жапырақтарымыз. Қадірлі де, құрметті ғой әрқашан, Қарттар күні ұмытылмас ешқашан... Жүрейікші қарт кісіні аялап, Жүрсін адам қарт кісіні мадақтап... Қайран қазақ қарттары, қадірменді, Сіздерге Алла биіктің бәрін берді, Мына әлемде таба алмас еш адамзат, Өздеріңдей білікті тәлімгерді....-, деген өлең жолдарын арқау тұтып, колледж басшысы Жақсылық Қасабекұлы қарт ұстаздарымызға жақсы тілегін арнап, денсаулықтарына амандық тіледі. Ұстаздарымыз бір- біріне жүрек жарды тілектерін жолдады. Осы орайда, атап айтатын жайт, 90 жастық мерейтойын атап өткелі отырған ардагер қарт ұстазымыз Мұхтар Қайырбекұлы жас ұстаздар мен тәлімгерлерге ақ бактасын арнады. Қарт ұстаздарға арналған отырыс, білім алшушылардың ән-биімен көркемделген мерекелік кешімен жалғасын тапты. Бүгінгі күн - кешегінің жемісі, ертегінің өркені. Еңсесі биіктеген еліміздің қанатын кеңге жаюы мен еңбегі ешқашан ұмытылмайды....

Талғар агробизнес және менеджмент колледжінің 2019- 2020 оқу жылында мамандықтар бойынша қабылданған білім алушылар саны келесідей:

1. Мамандық: 1511000 «Жерге орналастыру», 1511012 «Сызушы», Оқу мерзімі-9 сынып 2жыл 10ай , Білім алушылар саны: 50.

2. Мамандық: 1226000 «Тамақтандыру кәсіпорындарының өнім өндіру технологиясы және оны ұйымдастыруы» , 1226022 «Көкөніс тұздаушы», Оқу мерзімі-9 сынып 2жыл 6ай, Білім алушылар саны: 25.

3. Мамандық: 0902000 «Электрмен қамтамасыз ету» (салалары бойынша), 0902012 Тарату құрылғылары бойынша электр құрастырушы, Оқу мерзімі-9 сынып 2жыл 10ай , Білім алушылар саны: 50.

4. Мамандық: 1201000 «Автомобиль көлігіне техникалық қызмет көрсету, жөндеу және пайдалану», Оқу мерзімі-9 сынып 2жыл 10ай , Білім алушылар саны: 25.

5. Мамандық: 1513000 - «Ветеринария», 1513032 «Ветеринарлық санитар», Оқу мерзімі-9 сынып 2жыл 10ай , 11 сынып 2жыл 10ай , Білім алушылар саны: 47.

6. Мамандық: 1304000 «Есептеу техникасы және бағдарламамен қамтамасыз ету» (сала бойынша), 0518012 "Бухгалтер", оқу мерзімі-9 сынып 2жыл 10ай, Білім алушылар саны: 17.