«Студенттік парламент» білім алушылардың  өзін-өзі басқару органдарын дамыту тұжырымдамасы негізінде құрылған, Талғар агробизнес және менеджмент колледжінің «Студенттік парламент» білім алушылардың  өзін-өзі басқару органдарын дамыту ережесінде көрсетілген 8 фракция басшыларын тағайындау бойынша өзін-өзі ұсынған білім алушылардың бейне үндеуін назарларыңызға ұсынып отырмыз! Топ ішінен суырылып шыққан, жалынды жастардың бағдарламасын қолдауда белсенді болайық!

ШЖҚ «ЖИТС-ның алдын алу және оған қарсы күрес жөніндегі Алматы облыстық орталығы» КМК мамандарының ұйымдастыруымен ШЖҚ «Еңбекшіқазақ, Талғар, Қарасай аудандық орталық ауруханалары» дәрігерлерімен бірлесе отырып, «АИТВ жұқпасын алдын алу» тақырыбында Халықаралық ЖИТС-тен қайтыс болғандарды еске алу күніне арналып ұйымдастырылған дөңгелек үстелге колледж оқытушылары қатысты. Дөңгелек үстел барысында «Ерте жүктіліктің алдын алу», «Денсаулыққа зиянды әрекеттер», «Біз темекісіз Қазақстанды қолдаймыз», «Жасөспірімдер арасындағы суицидті алдын алу», «Жастар денсаулық орталығының жұмысы», «Темекінің зияны» сынды негізгі мәселелер тақырыбында мамандар маңызды ақпараттармен бөліскен болатын.

«Оқушылар мен студент жастардың дебаттық қозғалысы» жалпыұлттық мәдени-білім беру жобасының тұжырымдамасы аясында, колледжіміздің «Dispute wise» дебат клубының ұйымдастыруымен «Әлеуметтік желінің пайдасы мен зияны» тақырыбында дебат ойыны өткізілді. Дебат барысында колледж білім алушылары Төлендіұлы Мейрамбек, Нурғозиева Жарқынай Абдукаримовна, Сембай Айбек Муканұлы, Оразали Таншолпан Едилқызы, Болысбек Шуғыла Қайпбекқызы, Нуркамал Алтынай Нургалиқызы аталған тақырып аясында кең ауқымда пікір-таластың өтуіне жандарын салды.

«Студенттік парламент» білім алушылардың  өзін-өзі басқару органдарын дамыту тұжырымдамасы негізінде құрылған, Талғар агробизнес және менеджмент колледжінің студенттік парламенттің мақсаттары, міндеттері және құрылымымен таныстыру мақсатында, «Жастар ісі жөніндегі комитет» жетекшісінің ұйымдастыруымен онлайн форматта ZOOM бағдарламасында семинар өткізілді. Семинар барысында студенттік парламент құрылымында көрсетілген 8 фракцияға білім алушылар арасынан депутаттар сайлау бойынша жұмысты ұйымдастыру мәселелері де қарастырылды. Жалпы колледждің  студенттік парламент құрамында барлығы 25 білім алушы жұмыс атқарады.

Dim lights Embed Embed this video on your site