10.04.2019 күні Талғар агробизнес және менеджмент колледжінің ұжымы мен білімалушыларының ұйымдастыруымен "Қош келдің, Әз Науырыз" атты мерекелік кеш өтті.

05.03.2019 күні 100 жылдық тарихы бар, елімізге қажет мамандарын дайындап жүрген Талғар агробизнес және менеджмент колледжі өз түлектеріне диплом табыстау рәсімін өткізді. Игілікті шара қаламыздағы аудандық мәдениет сарайында өтті. Оған ұстаздар ұжымы, ата-аналар және шақырылған қонақтар мен қатар білімалушылар және түлектер қатысып, мереке көркін қыздыра түсті.Биыл білім ордасын 148 білімалушы тамамдады.Мерекелік кеште колледж директоры Сатылғанов Жақсылық Қасабекұлы түлектерге ақ жол тілеп, ата-анасы мен ұлағатты ұстаздарының үміттерін ақтап, биіктен көрінулеріне тілек білдірді.
Қазіргі таңда колледж түлектері облысымыздың ірі өндіріс орындарында табысты еңбек етуде. Осыған орай, биылғы бітіргелі отырған түлектер де ,өз жұмыс орындарында беделді де, білікті маман ретінде көрсете алатындығына сенімін білдірді.

20.02.2019күні ақиық ақын Мұқағали Мақатаевтың 88 жылдығына арналған "Жырларым жылдарыммен Жалғасыңдар" атты әдеби - сазды кеш өтті.
 «Ақынмын деп қалай мен айта аламын, 
Халқымның өз айтқанын қайталадым. 
Күпі киген қазақтың қара өлеңін, 
Шекпен жауып өзіне қайтарамын», - деп қарапайым қазақтың қара өлеңінің жілігін шағып, майын ішті. Дегенмен, өзінің әділ бағасын ала алмай кеткен ақынның әділ таразысы халық болды. Оны күллі халық сүйіп оқыды. Мұқағали шын мәнінде, бір туар екенін халыққа таныта білді.