2025 жылғы 26 қыркүйекте Талғар агробизнес және менеджмент колледжінде “Жалпы пәндер” онкүндігінің ашылуы аясында спорттық іс-шара – «Денсаулық күні» өтті. Бұл іс-шараға 1–3 курс білім алушылары мен колледж оқытушылары белсене қатысты.

   Іс-шараның мақсаты – жастардың салауатты өмір салтына қызығушылығын қалыптастыру, төзімділікті, командамен жұмыс істеу рухын және бірлікті дамыту болды. Спорттық жарыстар барысында қатысушылар ептілік, жылдамдық пен күш-қайраттарын көрсетіп, ең бастысы – бірлік пен өзара қолдаудың нағыз үлгісін көрсетті.

    Жарыс қорытындысы бойынша үздік командалар мен қатысушылар грамоталарымен марапатталды.

«Денсаулық күні» тек спорт пен жақсы көңіл күй мерекесі ғана емес, сонымен қатар колледждегі жалпы білім беретін пәндер онкүндігінің тамаша бастамасына айналды.

https://youtube.com/shorts/U_9d3C-xVIw?feature=share

Талғар агробизнес және менеджмент колледжінің  оқытушылары Т.Ә.Нурмуханбетова мен М.М. Ахметованың ұйымдастыруымен  мәжіліс залында «Балалар кітапханасы» жобасы аясында  «Тілім менің – мерейім!» атты  1 курс білім алушылары арасында   мәнерлеп оқу байқауы  өткізілді. 3 кезең бойынша бақ сынасқан білім алушылар өздерінің мәнерлеп оқу шеберліктерін көрсетті. Байқау қоытындысы бойынша 1 Ветеринар «А» тобының  білім алушысы  Суиембек Бекжан 1 орынды,  2-орынды  1 бағдарламашы «А» тобының білім алушысы  Нурдикеев Қайсар, 3-орынды 1 бағдарламашы «А»  тобының білім алушысы Бахтқызы Жібек пен жерге орналастыру   «А» тобының білім алушысы Отыншиев Саян иеленді

https://youtube.com/shorts/Yp-bWcD56hU?feature=share

2025 жылы 24 қыркүйек күні Талғар агробизнес және менеджмент колледжінде 1 курс білім алушыларына арнап "Терроризммен күрестің бір тетігі – ұлттық тәрбие" тақырыбында тәрбиелік кездесу ұйымдастырылды.

⠀Іс-шараның мақсаты – жастардың діни сауаттылығын арттыру, ұлттық құндылықтарды насихаттау арқылы экстремизм мен терроризмнің алдын алу, сондай-ақ деструктивті діни ағымдардың ықпалынан қорғау. Сонымен қатар, білім алушыларға ұлттық тәрбие негізінде рухани иммунитет қалыптастырып, бейбітшілік пен конфессияаралық татулықтың маңызын түсіндіру.Іс-шараға арнайы шақырылған қонақтар:

 Сүлейменов Талғат Абайұлы – Алматы облысы бойынша “Діни оңалту” жұмысына жауапты имам

 Абдрахманов Мейрамбек Ақылбекұлы – Талғар қаласындағы “Рақымберген қажы” мешітінің бас имамы

 Токишов Алмат Мақсатұлы – Талғар аудандық полиция басқармасының ювеналды полиция тобының аға лейтенанты.Кездесу барысында білім алушыларға теріс діни ағымдардың зияны, радикалды идеологияның алдын алу жолдары, ұлттық және рухани тәрбие мәселелері бойынша түсіндіру жұмыстары жүргізілді. Іс-шара ашық диалог форматында өтті.

https://youtube.com/shorts/HvKGoop6xCc?feature=share

Алматы облысы әкімдігінің 2007 жылғы 31 мамырдағы «Білім беру ұйымдары мен ұстаздардың арасында облыстық конкурстар өткізу туралы» №92 қаулысына және Алматы облысы білім басқармасының 2025 жылғы жұмыс жоспарына сәйкес техникалық және кәсіптік білім беру мекемелерінің орнықты дамуы үшін сапалы білімнің қолжетімділігін қамтамасыз ету, үздік колледжді анықтау, қолдау және мадақтау мақсатында 19 қыркүйекте техникалық және кәсіптік білім беру ұйымдарының арасында «Ең үздік кәсіптік білім беру ұйымы - 2025» облыстық байқауы Талғар агробизнес және менеджмент колледжінің базасында ұйымдастырылып өткізілді.

https://youtube.com/shorts/d1SCD3O9HmA