Талғар агробизнес және менеджмен колледжі

29  қарашада   колледжіміздің  мәдениет үйінде  колледж  студенттері мен оқытушыларына  Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Алматы облысы бойынша Департаментінің  ұйымдастыруымен   IMEI Халықаралық зияткерлік даму иститутының өкілдері, Қазақстандағы IMEI директоры Джон Дже Гын бастаған Корея елінен келген мұғалімдер мен профессорлар     «Салауатты өмір үшін салауатты ойлау» тақырыбында дәріс  оқыды.  Корея елінің ұлттық ән-би ансамблінің  концертін тамашалады.  Колледж директоры Д.Б.Бозымбекова  сөз сөйлеп, қонақтарға  алғысын білдірді.

Талғар агробизнес және менеджмент колледжі 

АСТАНАДА 22-27-қараша аралығында «WORLDSKILLS  KAZAKHSTAN -2023» VIII РЕСПУБЛИКАЛЫК, КӘСІБИ ШЕБЕРЛІК ЧЕМПИОНАТЫ өтуде. Чемпионаттың негізгі  құндылықтары :шеберлік, әділдік, инновациялар, серіктестік және ашықтық. Жұмыс алаңында осы құндылықтардың сақталуын қамтамасыз ететін негізгі тұлға болып ЭКСПЕРТ  табылады.Байқауға қатысушылардың дайындық сапасы, алаңдағы атмосфера мен команданың жақсы жетістіктерге қол жеткізуі эксперттерге тікелей байланысты. Чемпионатқа колледжіміздің  білім алушысы  Токтаров Есхат Ерликұлы  мен жетекшісі Айтбаев Жандос Есімханұлы  қатысуда. Бұл чемпионат эксперттеріміздің  кәсіби шеберліктерінің  шыңдала түсуіне негіз болады деп сенеміз. Сіздерді әрдайым биіктерден көрейік! Біз сіздерді мақтан тұтамыз!

Талғар агробизнес және менеджмент колледжі

Техникалық және кәсіптік білім беру мекемелерінің жас мамандарына арналған «Оқу тренд-2023» облыстық байқауына шығармашылық белсенділігін арттыру, кәсіби шеберлігін қалыптастыру мақсатында  қатысқан  колледждің жас маманы Әменова Мереке Еркебекқызы   сертификатпен марапатталды.

«Бағдарламамен қамтамасыз ету, есеп және аудит» кафедрасының «Есепші және бағдарламашылар – ғасырлар мен келешек мамандығы» атты  декадасының  аясында  арнайы пән оқытушылары Д.Е.Токаева мен А.Атамкулова 1 курс білім алушыларымен  ҚР Теңгесінің 30 жылдығына орай «Ұлттық теңге-ұлт мақтанышы » тақырыбында ашық  тәрбие сағатын өткізді. ҚР Әнұраны орындалды.  Теңгенің шығу  тарихына  тоқталып, ақындардың өлең жырларын  оқыды. Би билеп, ән салды. Директордың оқу- әдістемелік ісі жөніндегі орынбасары  А.К.Дүйсеғожа білім алушыларға,  «Есеп және аудит» мамандығының оқытушыларына алғыс білдірді. Теңгеміздің тегеуріні мықты, айналымы кең болуына үлес қосатын жастарымыздың болашағы жарқын болсын.