Талғар агробизнес және менеджмент колледжі.

    «Қоғамдық денсаулық сақтау институтының» жекешелендірілген мекемесінің  маманы Ю.Цой,    Талғар ауданының  салауатты өмір салтын қалыптастыру орталығының  нарколог-дәрігерлері  А.Ақылбекова, Н.Литвинова,   М. Рыспанова  колледждің 1-2 курс білім білім алушыларына 

жастардың өз денсаулығы үшін жауапкершілігін арттыру, есірткіге, психоактивті заттарға деген теріс көзқарастарын қалыптастыру мақсатында   әңгімелер жүргізіп, кездесу өткізді. Кездесуге колледждің білім алушыларымен қатар тәрбие ісі жөнінідегі   орынбасары И.М.Тукусбаева, колледж психологы  И.М. Қасымбаева ,   колледждің мейірбикесі  А.Б.Қозыбаева  қатысты.

Талғар агробизнес және менеджмент колледжі.

4-қазан күні колледж ұжымы колледжімізде еңбек етіп, зейнетке шыққан зейнеткерлеріміздің, қазыналы қарттарымыздың құрметіне арналған кеш ұйымдастырды. Кеш шымылдығын колледж директоры Д. Б. Бозымбекова бастаған ұстаздар "Ұстазым" әнімен ашып, қазыналы қарттарымызды Қарттар күнімен құттықтады.  

Ақ дастархан жайылып, бата берілді. Ардақты ағаларымыз Шайхын Әмірұлы мен Хамра Омарұлы және аяулы ұстаз-аналар  жүрек жарды ыстық лебіздерін білдірді.

 Колледждің жас мамандары ән шырқап, би билеп, қонақтарға мерекелік көңіл күй сыйлады.

Алматы облысы білім басқармасы  2 қазанда  техникалық және кәсіптік білім беру мекемелерініңматериалдық-техникалық базасы мен цифрлық инфрақұрылымын дамыту, бизнес-қоғамдастықпен өзара әрекеттесуі, экономика қажеттіліктеріне және өңірлік ерекшеліктерге сәйкес оқытудың, кәсіптік даярлықтың сабақтастығы мен үздіксіздігін қамтамасыз ету бойынша жүргізілген жұмыстары арқылы үздік  колледжді  анықтау мақсатында техникалық және кәсіптік білім беру ұйымдарының арасында «Ең үздік кәсіптік білім беру ұйымы - 2023» атты  облыстық байқауын Талғар агробизнес және менеджмент колледжінің базасында  ұйымдастырып, өткізді. Байқауға 9 колледж қатысты.

         Қазылар  алқасы әр білім беру ұйымдары  ұсынған жұмыстарының мазмұны мен сапасын бағалап, төмендегі жүлделі орындарды тағайындады.

I орын  – Талғар агробизнес және менеджмент  колледжі, директоры Бозымбекова Динара Боларбековна;

II орын  – Кәсіптік оқудағы көпсалалы колледжі, директоры   Такимова Гульнара Турсынбековна;

III орын  – Талғар политехникалық  колледжі, директоры Халыкова Бақыт Баймуратовна;

III орын – Үшқоңыр су шаруашылығы колледжі, директоры Шаймерденов Сабит Сағынтайұлы;

- «Инновация шеберханасы» номинациясы бойынша Талғар жоғары медициналық колледжі, директоры  Құдабаев Бағжан Акимбаевич;

- «Жаңашыл колледж» номинациясы бойынша Шелек политехникалық  колледжі, директоры Дүйсебаев Қуат Құрманғалиұлы;

- «Жетістік жолында» номинациясы бойынша Санджар Жандосов атындағы Қаскелең кәсіптік-техникалық колледжі, директоры  Бакиров Рустембек Токтаханұлы.

Талғар агробизнес және менеджмент колледжі. Колледж директоры Д.Б.Бозымбекова  кездесуге келген қонақтарды таныстырып, өткелі отырған  «Әлімжеттік: әдепсіздік пе, әл де «ӘДЕТ» пе?» тақырыбындағы кездесудің  өзекті  екендігін айтып өтті.  1-2 курс білім алушылары  колледждің мәдениет үйінде  Талғар аудандық  ПБ жергілікті полиция қызметінің бөлімінің Ювеналды полиция тобының аға учаскелік полиция капитаны Инкарбекова Наргиз Амантаевна,  Калиахмет Танат Айдарханович, Алматы облысы дін істері басқармасының Талғар ауданына жауапты теолог маманы  Әбді Әділетпен әлімжеттіктің, буллинг/кибербуллинг, діни экстремизм мен терроризм, құқық бұзушылықтар мен нашақорлық, ерте жүктілік, репродуктивтік денсаулығын сақтау мәселелері бойынша «Әлімжеттік: әдепсіздік пе, әл де «ӘДЕТ» пе?» тақырыбында  кездесу өткізілді. Кездесу барысында сұрақ жауап алынды.