Талғар агробизнес және менеджмент колледжі 

Қазақстан Республикасының Оқу-ағарту министрлігінің «Тоғыз айдағы 9 іс-шара» Тұжырымдамасы аясында  8 қыркүйекте білім алушылардың дене белсенділігін арттыру мақсатында республиканың барлық елді мекендерінің білім беру ұйымдарына «Сергіту сәті» челленджіне қатысу ұсынылды. Челлендждің мақсаты-білім алушылар арасында салауатты өмір салтын насихаттау. 

      Талғар агробизнес және менеджмент колледжі 1-2 курс білім алушыларымен  бірыңғай спорттық жаттығулар кешені  бойынша  «Сергіту сәті» челленджін өткізді.

https://youtu.be/qN1euDJBHic

Талғар агробизнес және менеджмент колледжінде  директордың  оқу-әдістемелік жұмысы жөніндегі орынбасары   Дүйсеқожа  А.К. Жаңа оқу жылының алғашқы Әдістемелік Кеңесін өткізді.  Күн тәртібіндегі мәселелер бойынша әдістемелік кеңес құрамын, кафедра меңгерушілерін, жас мамандарға бекітілген тәлімгерлерді, шығармашылық топ мүшелерін, сараптамалық кеңестің  құрамын таныстырды.  Сонымен қатар, жұмыс оқу бағдарламасы мен күнделікті сабақ жоспарын бұйрыққа сәйкес үлгісін көрсетті. Кадр бөлімінің меңгерушісі Г.И.Баймұханова педагогтардың лауазымдық міндеттерімен таныстырды.  Жас мамандар мектебінің жетекшісі А.К.Ахметова жылдық жоспармен таныстырды.

Талғар агробизнес және менеджмент колледжі 

Талғар агробизнес және менеджмент колледжінде  31.08. 2023 жылы 2023-2024 оқу жылының алғашқы педагогикалық Кеңесі өткізілді.  Күн тәртібіндегі мәселелер бойынша баяндамашылардың есептері тыңдалды. Колледж директоры Д. Б. Бозымбекова  колледж әкімшілігінің, колледж оқытушыларының жаңа құрамымен таныстырып, алдағы атқарылатын жұмыстардың  барысына шолу жасады

Талғар агробизнес және менеджмент колледжі 1- қыркүйек Білім күнін «Білімге ұмтылу, еңбексүйгіштік және патриотизм» тақырыбы аясында   1 курс білім алушыларымен  мерекелік шарасын өткізді.  Мерекелік шараға ата-аналар, колледждің ардагер ұстаздары мен ардагер басшысы және колледж оқытушылары қатысты. Мерекелік шараның шымылдығын ашқан  колледж директоры Д.Б.Бозымбекова сөз сөйлеп, Білім күнімен құттықтап, колледждің жетістіктерімен таныстырып өтті.  Ардагер ұстаздарымыз Г.Н.Төлегенова, Г.Р.Ботабаева және колледжімізді 10 жылдан астам басқарып, зейнетке шыққан Ж.Қ. Сатылғанов    жаңадан  қабылданған  білім алушыларға ақ тілектерін арнап,  ақ батасын берді. Мерекелік кеш барысында бірінші курс білім алушыларына  өздерінің топ жетекшілерін, әкімшілік мүшелерін  таныстырды.  Колледждің жас мамандары мен түлектері Д. Токаева, Б.Мұстафин, Ж. Бекбауов  тамаша әндерімен, бишілеріміз мың бұралған биімен  кештің көрігін қыздырды.