Жүйелік-кәсіптік бағдарлау жұмыстары. Талғар агробизнес және менеджмент колледжінің кәсіптік бағдарлау жұмыстары бойынша жұмыс жоспарына сәйкес, жастарға кәсіптік бағдар беру мақсатында Nº4 жалпы білім беретін мектеп-лицейінің оқушыларымен  кездесу өткізілді. 

Талғар агробизнес және менеджмент колледжінің жас мамандарының  шығармашылық әлеуетін , рухани, көркемдік, эстетикалық мәдениетін қалыптастыру мақсатында  "Екі жұлдыз жарыста жарқырайды" атты байқауы  ұйымдастырылды. Колледж директоры Бозымбекова Динара Боларбекқызы  жастарға сәттілік тілеп, байқаудың шымылдығын  ашты.  Байқауға 8 жұп қатысып, 4 кезең бойынша бақ сынасты. Тартысты байқау болды. Әр жұп өз өнерлерін  шығармашылық шеберлікпен таныта білді.  Бас жүлдені Дауытбаев Назар мен Маркашова Жансая, 1-орынды Отыншы Ербол мен Акимғалиқызы Ақжан, 2-орынды Қошқаров Есбол мен Елақынова Бота, 3-орынды Ораз Бауыржан мен Балтабекова Маржан иеленді . Қалған төрт жұп номинациялар бойынша марапатталды. Әр жұпқа колледждің кәсіподақ ұйымының төрайымы Ж. Дюсембаева ақшалай сыйлықтар табыстады.

Аудандық мәдениет үйінің ұйымдастыруымен өткізілген " Жырлайды жүрек" атты Мұқағали Мақатаев атындағы  эстрадалық әншілер байқауына  Динара Ерланқызы Тоқаеваның жетекшілігімен қатысқан колледж білім алушылары Жақсылық Тимур мен Саулет Даяна Алғыс хат арқалап қайтты.