«Талғар ауданы әкімдігінің халықты жұмыспен қамту орталығы» КММ-сі және «Талғар ауданының Жастар ресурстық орталығы» КММ-сі филиалымен бірлесіп, Талғар ауданының жастары мен жұмыссыз азаматтарын жұмысқа орталастыру мақсатында «Бос жұмыс орындар жәрмеңкесі» өткізілуіне колледж білім алушылары ат салысып, тарапта материалдарын үлестірді.

Қазақстан Республикасының Президенті Қ.Ж.Тоқаевтың «Жаңа Қазақстан: Жаңару мен жаңғыру жолы» атты жолдауында жуық арада жүзеге асырылатын саяси реформалардың жаңа бағдарламасы мен әлеуметтік-экономикалық бағытта атқарылатын іс-шаралар және еліміздің алдында тұрған басты міндеттің бірі – салауатты, саналы, білімді, ақыл-парасаты мол және ғылыми-мәдени өрісі кең ұрпақ тәрбиелеу екендігін президентіміз ерекше атап өтті. Сонымен қатар бірқатар елімізде болып жатқан мәселелерге байланысты «Өскелең ұрпақты түрлі діни ағымдардың идеологиясынан сақтандыру идеясы» тақырыбындағы колледж оқытушылары мен білім алушылармен дөңгелек үстел өткізілді. Кездесу барысында Талғар қаласы әкімінің орынбасары-Бактыбаев Маден Олегович, қоғамдық келісім төрайымы- Бутабаева Жумакыз Ашимбековна, Талғар қалалық орталық мешітінің имамы- Тайшықов Қасымхан Қалдыбайұлы, Талғар ауданының бас имамы-  Керімбеков Нұржан Пралиұлы, Талғар ауданы бойынша дінтанушысы- Құдайбергенов Бағдат Абайұлы тың ақпараттармен бөлісіп, өз кезегінде қорытынды сөзімен колледж директоры Сатылғанов Жақсылық Қасабекұлы аяқтады.

Наурыз мерекесі қарсаңында «Құт қонып, бақ дарыған Наурыз» тақырыбында мерекелік іс-шараларға Талғар агробизнес және менеджмент колледжі қатысып, жоспарға сәйкес Талғар қаласындағы «Жастар» стадионында жоғары деңгейде атап өтті.

2022 жыл наурыз айының он жетінші жұлдызында Талғар аудандық кәсіподақ комитеті қоғамдық бірлестігінің ұйымдастыруымен Наурыз мерекесіне арналған Талғар ауданы колледждерімен орта мектеп мұғалімдері арасында өткен волейболдан аудан біріншілігінде колледж командасы 15 команда арасынан суырылып шығып, жүлделі І орында иеленді.