2024 жылғы 22 қарашада "Сапалы білім беру - болашаққа лайық" Агротехникалық кафедрасының онкүндігі аясында, өндірістік оқыту шебері Маркашова Жансая Узакбаевна Электромеханикалық жабдықтарға техникалық қызмет көрсету, жөндеу және пайдалану  мамандығының   2-3 курс білім алушыларымен  «Мамандығым-мақтанышым» атты сайыс өткізді.  "Шабыт" пен"Жеңіс" тобы 3 кезеңнің тапсырмаларын  тиянақты орындап,  жан-жақты дайындықтарын көрсете білді.  "Жеңіс " тобы айқын басымдықпен алға шығып, жеңімпаз атанды.  Сонымен қатар,  кафедра  меңгерушісі  Жингилбекова Салтанат Несипжановна бөлімнің онкүндігін осы сайыспен қорытындылап,  аяқталғандығын жариялап, онкүндік  аясында өткізілген шараларға белсене  қатысқан  білім алушыларды  колледж директоры  Бозымбекова Динара Боларбековнаның Марапаттау қағаздарымен марапаттады.

Талғар агробизнес және менеджмент колледжінің бірінші курс білім алушыларын студент қатарына қабылдау рәсімі "Біртұтас тәрбие бағдарламасы аясында құндылықтарын қалыптастыру мақсатында " өткізілді.  Колледж директоры Динара Боларбекқызы Бозымбекова кешті салтанатты түрде ашып, сөз сөйлеп, колледж жетістіктері, колледждің білім алушыларға жасалып жатқан мүмкіндіктері туралы айта келіп, бірінші курс білім алушыларын терең білім мен өнегелі тәрбие алуға шақырды. Өнерпаз жастар би билеп, ән шырқап, күмбірлеген күй тартып, көрермендерге мерекелік көңіл -күй сыйлады. Әр топқа салтанатты түрде студенттік билеттері мен сынақ кітапшалары тапсырылды.

Талғар  агробизнес және менеджмент колледжінің қазақ тілі мен әдебиеті пәнінің оқытушысы Ахметова Мария Маратқызы «Оқуға құштар колледж» жобасы аясында «Біз Абайды оқимыз, бағалаймыз» атты  әдеби аукцион өткізді. Әдеби аукционға қатысқан 1 бағдарламашы 9 «А» тобы мен 1 Бухгалтер 9 «А» тобының білім алушылары 4 тур бойынша  сайысқа түсті. Қазақтың Ұлы ақыны Абай  Құнанбаевтың өмірі мен шығармашылығы бойынша  әр  топ таныстырылым  картасын жасап, өлеңдерін жатқа, мәнерлеп оқып, екі топ бір бірлеріне викториналық сұрақтар беріп, Абайдың әр қарасөзіне түсініктеме беріп, әндерін шырқап, бар өнерлерін ортаға салды.  Айқын басымдықпен 1 бағдарламашы 9 «А» тобы жеңіске жетті. Аукционға қойылған Абайдың шығармалар жинағын ұтып алды.

https://youtu.be/g7bJ971YFJc

«Сапалы білім беру- болашаққа лайық» атты  

Агротехникалық кафедрасының онкүндік өту барысында арнайы пән оқытушылары Ж.У.Маркашова мен М.Н. Шаймұраттың ұйымдастыруымен “Білікті бірді жығар,білімді мыңды жығар” атты таңғы сергіту сәті жүргізіліп, білім алушылардың ой ұшқырлығын анықтады.