Ағымдағы жылдың 25 қарашасы мен 10 желтоқсан аралығында республика аумағында «Зорлық-зомбылықсыз 16 күн!» акциясы аясында колледж білім алушыларымен «Біз зорлық зомбылыққа қарсымыз» тақырыбында кездесу өткізілді. Кездесуге Ұлттық қоғамдық сенім кеңесінің мүшесі, құқық қорғаушы «Халықаралық батыл айелдер» сыйлығының жеңімпазы, «Халық үні» жобасының авторы Айман Омарова және «Human rights lawyers» қорының президенті, «Ләззәт» атты кітабының авторы Ляззат Рақышева,сонымен қатар Есік гуманитарлық экономикалық колледжінің психологы, Қазақ психологтар қоғам мүшесі Хабаева Жеңіскүл Жапарханқызы колледж білім алушыларына тың ақпараттармен бөлісіп, өз кезегінде сұрақтарға жауаптар алынып, тақырып ауқымы кең көлемде түсіндірілді.

Талғар агробизнес және менеджмент колледжінде Талғар аудандық ПБ ЖПҚБ ЮПТ ОПИ полиция лейтенанты Инкарбекова Наргиза Амантайқызы, ПБ ЖПҚБ ЮПТ ОПИ полиция майоры Нұрметов Бауыржан Бақытжанович, ПБ ЖПҚБ ЮПТ ОПИ полиция лейтенанты Мукажанов Дидар Мукажанович колледж білім алушыларымен әлімжеттіктің (буллингтің) алдын алу мақсатында «Әлімжеттік: әдепсіздік пе, әл де «ӘДЕТ» пе?», «Заңды әркім білуі тиіс!» және «Сен өз құқығыңды білесің бе?» тақырыптарында кездесу өткізілді.

1 желтоқсан Қазақстан Республикасы Тұңғыш Президент күніне орай «Елін сүйген Елбасы» атты мерекелік іс-шара колледж Мәдениет үйінде аталып өтті.

Түрлі үйірмелер жұмыстарын жандандыру мақсатында және білім алушылардың бос уақыттарын тиімді пайдалану аясында, Талғар қаласында орналасқан «Жарқын Болашақ» өнер-спорт орталығының мамандары колледж білім алушыларымен кездесу өткізді. Кездесу өткізу барысында орталықта тегін 5 жастан 18 жасқа дейін тегін оқытылатын келесі үйірмелерге:

1. Актерлік шеберлік (Сахна тілі); 2. Домбыра; 3. Домбырамен ән айту; 4. Эстрадалық вокал; 5. Би (ұлттық би, заманауи би); 6. Видеотүсіріс және монтаж; 7. Ораторлық өнер; 8.Кескіндеме және сурет; 9. Визаж грим; 10. Тігін үйірмелеріне тоқталып, екі тілде өткізілетіндігі туралы атап өтілді.