2021 жыл қараша айының сегізі күні Қазақстан Республикасы Тәуелсіздігінің 30 жылдық мерейтойы аясында, Талғар агробизнес және менеджмент колледжінің І,ІІ курс білім алушылары арасында «КҮЗГІ БАЛ» байқауы ұйымдастырылды. Топтар арасынан суырылып барлығы 9 команда, олар 1 Зем 9 А, 1 Электр 9 А, 1 Электр 9 В, 1 То и Рем 9 А, 1 Вет 9 А (еңбек), 1 Прог 9 В, 1 Бух 9 В, 2 Зем 9 А, 2 Электр 9 А топтарынан білім алушылар өнер көрсетті. Байқау нәтижесі бойынша І орынды-1 Зем 9 А тобы, ІІ орын-2 Зем 9 А, ІІІ орын-1 То и Рем 9 А тобы иеленіп, қалған топтар номинацияларды қанағат тұтты.

Қазақстан Республикасы Тәуелсіздігінің 30 жылдық мерейтойы аясында ұйымдастырылған «Қазақтың Жамбылы адамзаттың Жамбылы» атты Жамбыл Жабаевтың 175 жылдық мерейтойына арналған әдеби – сазды кеші өтті. Талғар медициналық колледжінің директоры Кудабаев Багжан Акимбаевич, ҚР Білім беру ісінің үздігі Бейсенов Серікбай ағайымыз, мемлекеттік тілді оқыту орталығының директоры Тәлімұлы Қамнұр ағайларымыз әдеби-сазды кештің құрметті қонағы болып, Жамбыл ата өмірінен үзінді келтіре отырып, ат салысқан ұйымдастырушылар мен қатысқан білім алушыларға алғысын айтты.

Қараша айының үші және төрті күндері «Dispute wise» дебат клубының жетекшісі Амангелди Асылханмен клубтың белсенді мүшесі Оразәлі Таңшолпанның ұйымдастыруымен «клуб мүшелері арасында оқыту тренингтерін, жаттығу ойындарын ұйымдастыру және өткізу» және «Диалог жүргізу мәдениеті» тақырыбы семинар өткізілді. Семинар барысында дебат өткізу мәдениеті мен қыр-сырлары айтылып, кеңестер берілді.

Колледж оқытушылары мен білім алушылары арасында Қазақстан Республикасының мемлекеттік рәміздері туралы методикалық нұсқаулық және Қазақстан Республикасының Мемлекеттік Туын, Елтаңбасын, сондай-ақ Гимнін пайдалану және орындау тәртібін бұзу жөніндегі «Қазақстан Республикасының Әкімшілік құқық бұзушылық кодексін» түсіндіру жөніндегі үлестірме тарапта материалдары таратылып, талқылау жүргізілді.