2021 жылдың 29 қараша және 4 желтоқсан аралығында Қазақстан Республикасы тәуелсіздігінің 30 жылдығына орай Талғар агробизнес және менеджмент колледжінің бірінші, екінші және үшінші курс студенттерінің арасында ВОЛЕЙБОЛДАН турнир өткізілді. Турнир қорытындысы бойынша: 1 курстар арасында І орын-1 То и Рем 9 А; ІІ орын-1 Вет 9 А; ІІІ орын -1 Электрик 9 А; 2 курстар арасында І орын-2 То и Рем 9 А; ІІ орын -2 Зем 9 А; ІІІ орын -2 Тех 9 А; 3 курстар арасында І орын- 3 Зем 9 А; ІІ орын-3 То и Рем 9 А; ІІІ орын-3 Вет 9 А иеленді. 

Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметі) Алматы облысы бойынша департаментінің ұйымдастыруымен 02.11.21-13.11.21 аралығында «Сыбайлас жемқорлыққа қарсы мәдениетті қалыптастыру» тақырыбында өткізілген эссе және өлең байқауына колледжімізден барлығы 4 (төрт) білім алушымыз қатысып, оның ішінде 1 Прог 9 В тобының білім алушысы Бутова Екатерина лауреат атанып, департамент тарапынан «Мадақтау қағазы» және сыйлыққа смарт сағатымен марапатталды.

Қазақстан Республикасы Тәуелсіздігінің 30 жылдық мерейтойы аясында ұйымдастырылған «Елімнің бақытын тербеткен Тәуелсіздік» атты мерекелік кеш ұйымдастырылды. Кеш барысында колледж директоры құттықтау сөзімен бастап, өз кезегінде оқу орнының қоғамдық жұмыстарына белсенді қатысқан оқытушылар мен білім алушыларды «Алғыс хат» марапаттап өтті. Мерекелік кеш жас оқытушылармен білім алушылардың өнерлерін көрсетумен жалғасын тапты.

«Самға -Н» мүгедектер қоғамдық бірлестігімен колледж еріктілері, Талғар агробизнес және менеджмент колледжінің «TKAiM join me» атты студенттік парламент білім алушылардың өзін-өзі басқару ұйымының мүшелері бірлесе отырып, Қазақстан Республикасы Тәуелсіздігінің 30 жылдық мерейтойы аясында «Қайырымдылық жылы жүректен» атты мерекелік кеш ұйымдастырды. Кеш барысында колледж оқытушылары мен білім алушылары өнерін ортаға сал отырып, басқа да өнер жұлдыздарымен бірлесе іс-шараның жоғары деңгейде өтуіне ат салысты.