2024 жыл 4-қыркүйекте  Талғар агробизнес және менеджмент колледжінің ұжымы  Мемлекет басшысы Қасым-Жомарт  Кемелұлы Тоқаевтың "Әділетті Қазақстан: құқық тәртібі, экономикалық өрлеу, қоғамдық оптимизм" атты Қазақстан халқына Жолдауын  тыңдай отырып, бұл жолдауында  білікті маман дайындау, білім сапасы, жастар саясаты және техникалық білім беру мәселелеріне үлкен мән беріліп отырғандығын  естіп,  негізгі  түйінді мәселелер бойынша ой, пікірлерін білдіріп, қолдау көрсетті.  Колледж директоры Динара Боларбекқызы Бозымбекова : "Биылғы Жолдаудың  ерекшелігі сол, 2025 жыл- Жұмысшы мамандықтары жылы деп жариялануы, техникалық білім беру мекемелерінің дамуына, білім сапасының артуына арналып отырғандығы қуантуда." десе, колледж оқытушылары Елақынова Б.Б, Кертаева Н.С. Жолдау бағыттарымен таныстырып өтті.

Талғар агробизнес және менеджмент колледжінде 2024 жылдың 1 қыркүйек білім күніне орай "Білім күні! Бейбітшілік күні" атты мерекелік іс-шара өтті. Оқу жылының басталуы - бірінші курс білім алушылары үшін жаңа - есте қаларлық оқиға, өйткені бүгін олар үшін жаңа, жауапты, қуаныш пен жаңалықтарға толы уақыт. Іс-шара барысында колледж директоры Бозымбекова Динара Боларбекқызы ұстаздар қауымы мен  ата-аналарға және жас жеткіншек білім алушыларға жүрек жарды ізгі тілегін арнады.Кеш жүргізушілері жаңа келген 1-курс білім алушыларына колледждің ғасырлық тарихын, колледж әкімшілік мүшелерін және топ жетекшілерін таныстырып өтті.

Іс-шараның соңында колледжіміздің түлектері, өнерлі де білікті мамандары    Бағдат Мұстафин мен Жәнібек Бекбауов тамаша әндерін орындап, 2-курстың ару қыздары мың бұрала би билеп,  колледж оқытушылары мен білім алушыларына және олардың ата-аналарына көтеріңкі көңіл-күй сыйлады.

2024 жылдың 29 тамызында Талғар агробизнес және менеджмент колледжінде «Колледждің жаңа 2024-2025 оқу жылына дайындығы» тақырыбында алғашқы Педагогикалық кеңес өтті. Педагогикалық кеңес отырысын колледж директоры Бозымбекова Динара Боларбекқызы ашып, ұжыммен амандасып, барша ұжым мүшелерін  жаңа оқу жылының басталуымен құттықтады. Оқу жылындағы алғашқы педагогикалық кеңестің жақсы дәстүрі колледжге келген жаңа қызметкерлерді таныстыру болды. Күн тәртібіндегі мәселелер бойынша баяндамалар тыңдалды. Отырыста қабылдау комиссиясының қорытындысы шығарылып, алдағы оқу жылындағы басым міндеттер мен жұмыс бағыттары мен оқу-тәрбие базасын нығайту мәселелері белгіленді.

2024 жылы  27 маусымда Талғар агробизнес және менеджмент колледжінде 

«Білікті маман-ұлт болашағы»  тақырыбы  аясында  колледж бітіруші түлектеріне арналған диплом беру рәсімінің салтанатты кеші өткізілді. 

     Колледж директоры Бозымбекова Динара Боларбекқызы  алғашқы  сөз алып,  түлектердің  колледжді сәтті аяқтауларымен құттықтап,  болашақтарына  ақ жол , кәсіби салада табысты болуларына игі тілегін білдірді.

 Тамылжыта  ән  шырқап,  күмбірлеген күй тартып,  мың бұрала  би билеген өнерпаздар  кеш қонақтарына, бітірушілерге, ата-аналарға  мерекелік көңіл күй сыйлады.  

     Арнайы шақырылған  кеш қонақтары , топ кураторлары, ұстаздар мен ата-аналар, бітіруші түлектер  жүрек жарды   ыстық лебіздерін білдірді.  

     Бозымбекова Динара Боларбекқызы және  арнайы шақырылған қонақтар бітіруші  11 топтың түлектеріне   ДИПЛОМ дарын  табыстады!

Колледжімізден 2024 жылы түлеп ұшқан жас мамандарымызға АҚ ЖОЛ  тілейміз!