Талғар агробизнес және менеджмент колледжінің Мәдениет үйінде  колледж психологы  Ғаниқызы Аяулымның ұйымдастыруымен білім алушылардың өмір сүруге деген құштарлықтарын арттыруға, өмірді сүюге тәрбиелеу мақсатында  "Мен өмірді сүйемін" атты  ашық тәрбие сағаты өткізілді. Қатысушы білім алушылар өмір жайлы өлеңдер оқып, ән шырқады.

Талғар агробизнес және менеджмент колледжінің ағылшын тілі пәнінің оқытушысы Баязитова Ризана мен арнайы пән оқытушысы Жұмабеков Мадияр "Оқуға құштар колледж" жобасы бойынша 1 курс білім алушыларымен "Ақпарат әлеміндегі кітаптың рөлі" тақырыбында әдеби печа-куча өткізді. Білім алушылар Сыдық Азамат, Серікбай Елдар, Сағын Бекзат, Талғатбек Назерке қазіргі көп оқылатын трендтегі кітаптардың мазмұны , тақырыбы жайлы таныстырылым жасады.

Талғар агробизнес және менеджмент колледжінің  арнайы пән оқытушысы А. С. Алпысбаева 1 бағдарламашы 9 " В" тобының білім алушыларымен "Гүлден, көркейе бер, менің Қазақстаным!" атты ашық тәрбие сағатын өткізді. Білім алушылардың Отанға деген мақтаныш сезімін  оятып, патриоттық сезімін арттыруға тәрбиелеу  мақсатында өткізілген  тәрбие сағатында білім алушылар  өлеңдер оқып, мақал-мәтелдерді орысша қазақша айтып, полиглот екендіктерін танытып викторина сұрақтарына жауап  берді.  Іс-шараға  топ білім алушылары белсене қатысты.

Жұмысшы кәсіптерінің абыройын арттыру, жас жұмыскерлерге қазіргі еңбек нарығында сұранысқа ие практикалық дағдылар мен жоғары біліктіліктерді алу мүмкіндігін беру мақсатында   Алматы облыстық Білім басқармасының ұйымдастыруымен 2024 жылдың 23-26 сәуір аралығында    Алматы облысының «WorldSkills Qonaev- 2024» аймақтық      чемпионаты өткізілді. 

Чемпионатқа  Алматы облысының техникалық және кәсіптік білім беру ұйымдарының   82 білім алушысы  23 құзіреттілік бойынша қатысып, бақтарын сынады. Алматы облысы Білім басқармасының басшысы Беспаева Салтанат Дауысбекқызы чемпионаттың жабылуында  жеңімпаздарды құттықтап, Сертификаттармен, Дипломдармен марапаттады. Талғар агробизнес және менеджмент колледжінен қатысқан  білім алушылар да  жүлделі орындарға ие болды.   «Жеңіл автомобильдерді жөндеу және қызмет көрсету» құзіреттілігі бойынша  Әдебиетұлы Әділет 1-орынды иеленді.  Жетекшісі Білдебаев Талғат.  

«Шанақ жұмыстары» құзіреттілігі бойынша Жақыпбаев Данияр Өркенұлы  3-орынды иеленді. Жетекшісі Қошқаров Есбол.     

 «Желілік  және  жүйелік  әкімшілендіру» құзіреттілігі бойынша  Құдайберген Нұрислам  Нұрланұлы 3-орынды иеленді, жетекшісі Әменова Мереке Еркебекқызы. Сонымен қатар жас маман Тарақов Дәнеш Хамитұлы «Графикалық дизайн» құзіреттілігі бойынша Эксперт-компатриот Сертификатын алды.