Талғар агробизнес және менеджмент колледжінде білім алушылардың  өнерге деген қызығушылығын арттыру, шығармашылық қабілеттерін дамыту және жастықты жаңа мүмкіндіктер уақыты ретінде көрсету мақсатында  1 курс студенттері арасында «Жастық шақ – мүмкіндіктерге толы уақыт"  шығармашылық коллаждар байқауы өтті! Әр топ өз шеберлігін көрсетіп, ерекше идеяларымен бөлісті! Жеңімпаздар өнердің күші арқылы шабыттандыра білді. 

1 орын- 1 Прог А тобы

2 орын- 1 Зем В тобы

3 орын- 1 ТОиРЕМ А тобы

Барлық қатысушыларға алғысымыз шексіз! Жастардың шығармашылығы – шексіз мүмкіндік әлемі!

Талғар агробизнес және менеджмент колледжінің арнайы пән оқытушысы С.А.Садвакасованың ұйымдастыруымен «Оқуға құштар колледж» жобасы аясында  1 жерге орналастыру 9 А тобының білім алушыларымен «Менің өмірімді өзгертке  кітап» эссе конкурсын өткізді. Эссе конкурсы балалар әдебиетінің классигі  Бердібек Соқпақбаевтың «Менің атым Қожа»   атты шығармасына арналды.  Білім алушылар Шығарма кейіпкері Қожа туралы  алған мәліметтерін ортаға салды, Көрініс көрсетті. Сұрақтарға жауап берді. Жазған эсселерін оқыды. Колледж директоры Динара Боларбекқызы Бозымбекова білім алушыларға кітап оқудың, білімнің қадірі жайлы айта отырып, кітап оқуға шақырды.

26.12.2024ж Талғар агробизнес және менеджмент колледжінің Мәдениет үйінде колледж кәсіподақ ұйымының ұйымдастыруымен колледждің жас мамандары балаларға арналған Жаңа 2025 Жылға арналған Шырша мерекесін өткізді. Колледж директоры Динара Боларбекқызы Бозымбекова құттықтау сөз сөйлеп, бүлдіршіндерімізге ақ батасын берді. Ән шырқап, би билеген бүлдіршіндеріміз қызықты ойындар ойнады. Аяз Ата мен Ақша қардың сыйлықтарын алып, мәз мейрам болып тарады.

25.12.2024 ж. Талғар агробизнес және менеджмент колледжінің арнайы пән оқытушысы Г. И. Баймұханова 1-2 курс білім алушыларымен  "Оқуға құштар колледж" жобасы аясында "Не? Қайда?Қашан?" әдеби ойын  өткізді. "Жалын", "Білімгерлер" тобы болып, жарысып, 4 кезеңнен тұратын ойында "Білімгерлер" тобы жеңіске жетті